Beton boru yüklü TIR iki evin üzərinə aşdı: 9 ölü, 8 yaralı - VİDEO

Çinin cənub-şərqində beton boru yüklü TIR-ın iştirakı ilə ağır yol qəzası baş verib. Avtosfer.az xəbər verir ki, insident aprelin 13-də Fuçzyan əyalətində qeydə alınıb. Bu barədə “Fuçjo jibao” qəzeti məlumat yayıb.

Nəşrin məlumatına görə, beton boru yüklü TIR-ın yoxuş aşağı hərəkət etdiyi zaman əyləc sistemində nasazlıq yaranıb. Bundan sonra idarəetmədən çıxan yük maşını yol kənarındakı iki yaşayış evinin üzərinə aşıb.

Nəticədə TIR-ın sürücüsü və daha 8 nəfər dünyasını dəyişib, daha 8-i isə müxtəlif dərəcəli bədən xəsarətləri alıb. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev