Beton halqalar parklanan avtomobilləri əzik-əzik etdi - VİDEO

Üst-üstə qoyulan beton qəliblər yük avtomobilinin yolu dönməsi ilə maşınların üstünə səpələndi.
Avtosfer.az xəbər verir ki, dəhşət doğuran hadisə İspaniya əyalətində baş verib. Marketin müşahidə kamerasına anbaan düşən görüntülərdən aydın olduğu kimi yük avtomobilinin qoşqusuna məhsuliyyətsiz formada yığılan beton halqalar nəqliyyat vasitəsinin hərəkətinə qapılıb. Nəticədə yol kənarında sırayla park edilmiş avtomobilləri hədəf alan beton qəliblər onların üzərinə düşüb. Arxada dayanan avtomobili tamamilə sıradan çıxaran halqalar, ortada dayanan avtomobilin sol tərəfini yararsız hala salıb. Öndə dayanan avtomobil isə cüzi xəsarət almaqla işin içindən çıxmağı bacarıb. Xoşbəxtlikdən avtomobillərdə insan olmayıb. Qəza törədən sürücü etdiyi məsuliyyətsizliyə görə aidiyyatı quruma cəlb olunub. 

Nərmin Əkbər