Betona çırpılan avtobusun təkəri partladı; aşan avtobus 70 metr sürükləndi - FOTO

Türkiyənin Kocaeli əyalətindən reys avtobusunun iştirakı ilə ağır yol qəzası baş verib. Avtosfer.az xəbər verir ki, hadisə iyulun 5-də axşam saatlarında Gebze rayonunda qeydə alınıb.

Məlumata görə, Ankara istiqamətində hərəkətdə olan Əhməd Beyhanın idarə etdiyi 34 FA 0269 qeydiyyat nişanlı sərnişin avtobusu, təmiri səbəbindən daralan yolda beton baryerlərə çırpılıb. Zərbənin təsirindən təkəri partlayan avtobus aşaraq təxminən 70 metrə sürüklənib.

Qəza nəticəsində 1 nəfər ölüb, daha 17-si isə xəsarət alıb. Yaralılar, hadisə yerinə çağırılan ambulanslarla xəstəxanaya çatdırılıblar.

Faktla bağlı araşdırmalara başlanılıb.

Namiq Musayev