Bibiheybət yolunda daha bir qəza: təhlükəni kim yaradır? - FOTO

Torpaq sürüşməsindən sonra aylarla təmirə bağlanan və qısa müddətli açılan Bibiheybət yolunda yenidən təhlükə yaranıb. Avtosfer.az xəbər verir ki, Azərbaycan Avtomobil Yolları Dövlət Agentliyi yenidən yolu bağlayaraq təmir işləri aparır. Amma yolu bağlayan beton lövhələr sürücülər üçün əsl təhlükə mənbəyinə çevrilib. Müvafiq xəbərdarlıq nişanları olmadığı üçün sürücülər xüsusilə gecə saatlarında betonlara avtomobilləri çırparaq qəza törədir. Artıq son günlər hər gün qəzaların baş verdiyi bildirilir. 
Nəzərə alsaq ki, qeyd olunan ərazi şəhərin girişidir və rayondan gələn sürücülər buranın bağlı olduğunu bilməyə bilər. Nəticədə də qəza və insan tələfatı olar. Yəqin ki, Azərbaycan Avtomobil Yolları Dövlət Agentliyi bununla bağlı müvafiq tədbirlər görəcək. Çünki Agentlik bu qəzalara görə birbaşa məsuliyyət daşıyır.

Fərid