“BMW” “Daewoo” ilə toqquşdu: 4 nəfər dünyasını dəyişdi - FOTO

Ukraynanın Jitomirsk əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, insident martın 9-da səhər saatlarında Jitomir – Çernovçı şosesinin Lyübar qəsəbəsi ərazisində qeydə alınıb. Bu barədə Milli Polisin saytında məlumat verilib.

Məlumata görə, 23 yaşlı sürücü idarə etdiyi “BMW-523” markalı minik avtomobillə, hərəkətdə olarkən sükan idarəetməsini itirib və yolun əks zolağına çıxaraq qarşıdan gələn “Daewoo Lanos” markalı minik maşını ilə toqquşub. Zərbənin təsirindən hər iki maşın deformasiyaya uğrayıb.

Nəticədə hər iki avtomobilin sürücüsü və “Daewoo”nun 2 sərnişindən biri hadisə yerində, digəri isə xəstəxanada vəfat edib.

Faktla bağlı cinayət işi açılıb, araşdırmalar aparılır.

Namiq Musayev