Kanadada aviaşou göstərməyə gedən təyyarə qəzaya uğradı; 1 ölü, 1 ağır yaralı - FOTO

Kanadanın Hərbi Hava Qüvvələrinin “Snowbirds” pilotaj qrupunun təyyarəsinin qəzaya uğraması nəticəsində 1 nəfər ölüb, 1-i isə ağır xəsarətlər alıb. Avtosfer.az xəbər verir ki, hadisə Britaniya Kolumbiyası əyalətinin Kamlups şəhərində qeydə alınıb. Bu barədə ölkənin “CBC” telekanalı məlumat yayıb.

Məlumata görə, təyyarə yerli aeroportdan havaya qalxdıqdan sonra düşüb. Hadisə zamanı pilotlardan biri katapult edə bilib.

Bildirilir ki, qəzaya uğrayan hava gəmisi yaşayış evinə çırpılıb və bundan sonra yanğın başlayıb.

Hazırda insidentlə bağlı araşdırmalara başlanılıb.

Qeyd edək ki, “Snowbirds” komandası, kanadalılara və koronavirusla mübarizə aparan həkimlərə dəstək olmaq üçün aviaşouda iştirak edəcəkdilər.

Namiq Musayev