Marşrut avtobusu dirəyə çırpıldı; 7 nəfər xəsarət aldı - FOTO

Rusiyanın Saratov şəhərində sərnişin avtobusunun iştirakı ilə yol qəzası baş verib. Avtosfer.az xəbər verir ki, hadisə mayın 20-də “Tankist” küçəsində qeydə alınıb. Bu barədə “TASS” agentliyi məlumat yayıb.

Məlumata görə, 99 saylı marşrut üzrə hərəkət edən “Qazel” markalı avtobus, sürücünün idarəetməsindən çıxaraq yol kənarındakı elektrik dirəyinə çırpılıb. 

Qəza nəticəsində 6-sı qadın, 1-i kişi olmaqla ümumilikdə 7 nəfər müxtəlif dərəcəli bədən xəsarətləri alıb. Yaralılar təcili tibbi yardım briqadasının köməkliyi ilə xəstəxanaya çatdırılıblar.

Polis qəzanın baş vermə səbəblərini araşdırır.

Namiq Musayev