Reys avtobusu əks zolağa keçərək aşdı: 6 ölü, 30 yaralı - FOTO

Çində reys avtobusunun iştirakı ilə ağır yol qəzası baş verib. Avtosfer.az xəbər verir ki, hadisə mayın 16-da Siçuan əyalətində qeydə alınıb. Bu barədə ölkənin Mərkəzi telekanalı məlumat yayıb.

Məlumata görə, içərisində 36 nəfərin olduğu avtobus, sürət avtomagistralında hərəkətdə olarkən, sürücünün idarəetməsindən çıxıb və dəmir arakəsmələri qıraraq əks zolağa keçərək aşıb.   

Qəza nəticəsində 6 nəfər ölüb, daha 30-u isə xəsarət alıb. Yaralılar yaxınlıqdakı xəstəxanalara çatdırılıblar.

Faktla bağlı araşdırmalara başlanılıb.

Namiq Musayev