Çanaqqalada qəza: 4 ölü, 30 yaralı - FOTO

Türkiyənin Çanaqqala şəhərində mühacirlərin olduğu avtobusun qəzaya uğraması nəticəsində 4 nəfər ölüb, 30 nəfər isə yaralanıb.

Avtosfer.az oxu.az-a istinadən xəbər verir ki, qaçqınların ölümü ilə nəticələnən qəza bu dəfə quruda baş verib. 

17 ZE 245 nömrə nişanlı avtomobil qeyri-qanuni şəkildə Yunanıstanın Midilli adasına getməyə çalışan Suriya, Əfqanıstan əsilli mühacirlərin olduğu 34 EY 3480 nömrəli avtobus ilə toqquşub. Sürücülərin kimlikləri müəyyən edilməyib.

Toqquşma nəticəsində avtobus körpüdən aşıb.

Yaralılar təcili yardım maşınları ilə Bayramiç və Ezine dövlət xəstəxanalarına çatdırılıb. Ölən və yaralananların kimlikləri araşdırılır.