Çay sahilinə enən “UAZ” aşdı; 6 nəfər xəsarət aldı - FOTO

Yakutiya Respublikasında mikroavtobusun iştirakı ilə yol-nəqliyyat hadisəsi baş verib. Avosfer.az xəbər verir ki, qəza iyulun 3-də Xanqalassk rayonunda qeydə alınıb. Bu barədə “TASS” məlumat yayıb.

Məlumata görə, Lena çayı sahilində yerləşən “Yakutiya - Lensk” trasında, sürücünün idarəetməsindən çıxan “UAZ” markalı mikroavtobus aşıb. Nəticədə 6 nəfər müxtəlif dərəcəli bədən xəsarətləri alıb.

Bildirilir ki, hadisə zamanı nəqliyyat vasitəsində 8 nəfər olub, onlardan 2-si azyaşlıdır.

Yaralılar, təcili tibbi yardım briqadasının köməkliyi ilə xəstəxanaya çatdırılıblar.

Polisin araşdırmasına görə, çayın sahilinə düşən enişli yolda, maşının əyləcində nasazlıq yaranıb və bundan sonra qəza olub. Sürücü sükan arxasında sərxoş olub.

Namiq Musayev