Cəlilabadda “06” ilə vurulan piyada ölüb

Cəlilabad rayonunda piyadanın ölümlə nəticələnən yol qəzası baş verib. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, hadisə iyunun 19-da saat 22 radələrində Cəlilabad rayonunun Əliqasımlı kəndi ərazisində qeydə alınıb.

Məlumata görə, Üçtəpə kənd sakini R.Qasımov idarə etdiyi “VAZ-2106” markalı avtomobillə yolu keçən həmkəndlisi Elşad İmanovu vurub.

Nəticədə piyada xəstəxanaya aparılarkən yolda ölüb.

Faktla bağlı araşdırma aparılır.

Namiq Musayev