Cəlilabadda avtomobil iribuynuzlu heyvanla toqquşub

Cəlilabad rayonunda yol-nəqliyyat hadisəsi baş verib.

Avtosfer.az-ın “Report”un Muğan bürosuna istinadən məlumatına görə, hadisə rayonun Uzuntəpə kəndi ərazisində qeydə alınıb.

Belə ki, hərəkətdə olan “VAZ 2107” markalı minik avtomobili iribuynuzlu (inək) heyvanla toqquşub. Qəza nəticəsində heyvan tələf olub, avtomobilə isə ciddi ziyan dəyib.

Faktla bağlı araşdırma aparılır.