Cəlilabadda yol qəzası oldu, xəsarət alan var

Cəlilabad rayonunda xəsarətlə nəticələnən yol qəzası baş verib.

Avtosfer.az "Report"un Muğan bürosuna istinadən məlumatına görə, hadisə Adnalı kəndində qeydə alınıb.

İki minik avtomobilinin toqquşması nəticəsində rayon sakini, 1968-ci il təvəllüdlü Bayramova Dürdanə Məhərrəm qızı xəsarət alıb. Yaralı xəstəxanaya çatdırılıb və ona tibbi yardım göstərilib.

Faktla bağlı araşdırma aparılır.

Gültən