Çexiyanın XİN başçısı taksidə qəzaya düşdü - FOTO

Çexiyanın xarici işlər naziri Tomaş Petrjiçek avtomobil qəzasına düşüb. Avtosfer.az xəbər verir ki, hadisə mayın 6-da gecə saatlarında nazirin evinin yaxınlığında baş verib. Bu barədə “Blesk” qəzeti məlumat yayıb.

Nəşrin məlumatına görə, Petrjiçekin olduğu taksi park edilmiş avtomobilə çırpılıb.

Qəza nəticəsində taksi sürücüsü dünyasını dəyişib, nazir isə qəzadan yara almadan xilas olub.

Tomaş Petrjiçek ölən taksiçinin yaxınlarına başsağlığı verib.

Namiq Musayev