Çilidə təyyarə qəzasında 4 nəfər həlak olub

Çilinin Moça adasında kiçik təyyarənin okeana düşməsi nəticəsində 4 nəfər həlak olub.

“Report” xəbər verir ki, bu barədə ölkənin mülki aviasiya idarəsinin məlumat yayıb.

“Dörd sərnişin və bir pilotun olduğu təyyarə 14:21-də (Bakı vaxtı ilə 22:21) əlverişli hava şəraitində havaya qalxdıqdan sonra adadan 150 metr aralıda suya düşüb. Rəhbərlik təəssüflə 4 nəfərin ölümünü təsdiqləyir və adadakı tibb müəssisəsində olan 5-ci şəxsin vəziyyəti ağırdır”, - məlumatda deyilir.

Qeyd olunub ki, sağ qalan sərnişin qəza baş verən ərazidən sahilə üzərək gəlib. Daha sonra onu sahildəki insanlar görüblər.

Adada ilkin tibbi yardım göstərildikdən sonra o, materikdəki xəstəxanaya aparılıb. Hadisənin səbəbləri hələ müəyyən edilməyib.