Daşkəsəndə yük maşını aşdı, sürücü xəstəxanalıq oldu

Daşkəsəndə xəsarətlə nəticələnən yol-nəqliyyat hadisəsi baş verib. Avtosfer.az-ın yerli bürosunun məlumatına görə, hərəkətdə olan "Kamaz" markalı yük avtomobilinin sürücüsünün idarəetməni itirməsi nəticəsində maşın yoldan çıxaraq aşıb. Qəza nəticəsində yük maşınının sürücüsü, 1967-ci il təvəllüdlü M.İbayev müxtəlif dərəcəli bədən xəsarətləri alaraq xəstəxanaya yerləşdirilib. Ona ilkin tibbi yardım göstərilib, vəziyyətinin orta-ağır olduğu bildirilir. Faktla bağlı araşdırma aparılır.