Dəhşətli yol qəzası: 7 nəfər öldü - FOTO + VİDEO

Rusiyanın Omsk əyalətində 3 nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə martın 16-da gündüz saatlarında “Tümen” avtomagistralının 565-ci kilometrliyində qeydə alınıb.

İlkin məlumata görə, hərəkətdə olan “DAF” markalı yük maşının ön təkəri partlayıb, sürücünün idarəetməsindən çıxan maşın əks istiqamətə keçərək qarşıdan gələn “Sitrak” markalı yük maşını və “Toyota” markalı mikroavtobusla toqquşub. Zərbənin şiddətindən yanğın baş verib. Nəticədə 1-i 15 yaşlı məktəbli olmaqla 7 nəfər ölüb. 

Faktla bağlı cinayət işi açılıb, araşdırma aparılır.

Namiq Musayev