Diqqətsiz piyadanı maşın belə vurdu - VİDEO

Bu dəfə AvtosferTV-nin efirində növbəti piyadavurma videosu müzakirə olunub. Mərdəkanda qeydə alınan yol nəqliyyat hadisəsində piyada yolu müəyyən olunmayan yerdən keçən zaman avtomobillə toqquşur. Qanunvericilikdə qeydə olunub ki, piyada yolu piyada keçidindən keçməlidir. Əgər piyada keçidi yoxdursa piyada yolu hərəkət hissəsinin kəsişmə yerindən keçməlidir. Əgər bunların heç biri olmadıqda piyada yolun görünən məsafəsində hərəkət hissəsini keçə bilər. Bu halda piyada öncə sola baxmalı, yaxınlaşmaqda olan nəqliyyat vasitələrinədək məsafəni, onların sürətini qiymətləndirdikdən və yolu keçməyin onlar üçün təhlükəsiz olacağını yəqin etdikdən sonra yolu keçə bilər. Lakin bu videodakı piyada yolu keçmək istəyərkən sağa baxır və avtomobilin gəlməsinə məhəl qoymayaraq yolu keçməyə başlayır. Nəticədə avtomobil piyadanı vurur. 

Piyadalara bir daha tövsiyə edirik ki, yolu keçərkən diqqətli olsunlar və öz həyatlarını təhlükəyə atmasınlar.

Təbriz