Diqqətsiz sürücü yolun ortasındakı tumbaya ilişdi - VİDEO

Yolarda qeyri adi hadisələrin baş verməsinin tez-tez şahidi oluruq. Belə hadisələrdən biri də Avropa ölkələrindən birində qeydə alınıb.  

Avtosfer.az-ın təqdim etdiyi videodan görülür ki, avtobuslar üçün ayrılan zolağa çıxan avtomobilin sürücüsü özünü başqalarından “ağıllı” sayaraq avtobusun ardınca yolu keçməyə çalışır və baryerə ilişib qəzaya düşür. Bu sistem ölkəmizdə də tətbiq edilsin deyə sorğu qaldırsaq görəsən hə deyən çox olar, yoxsa yox. 

Son zamanlar Bakı şəhərində avtobuslar üçün zolaqların ayrılması birmənalı qarşılanmadı. Çünki onsuz da sıxlığın çox olduğu şəhərimizdə bu zolaqlar vəziyyəti daha da ağırlaşdırdı. Belə tıxaclarda isə özünü “ağıllı” hesab edən bəzi sürücülər avtobus zolağına keçir. Nəticədə onlar yollarını dəqiqələrlə tıxacda gözləyən sürücülərdən tez bitirmiş olur.

Odur ki, belə maneələrin gələcəkdə Azərbaycanda da quraşdırılması lazım gələcək. 

Aysel Novruzova