Dostunun “BMW”sini obyektin həyətinə sıçratdı - VİDEO

Əmanət edilən avtomobilə ehtiyatlı yanaşmaq əvəzinə yüksək sürətlə getdi, nəticədə maşını tamamilə yararsız vəziyyətə saldı. Avtosfer.az xəbər verir ki, Polşada qeydə alınan hadisə sosial şəbəkələrdə səs-küy doğurub. Onunla eyni yolu bölüşən avtomobilin videoregistratoruna düşən görüntülərdən bəlli olduğu kimi sürət həddini getdikcə qaldıran sürücü anlıq idarəni buraxaraq avtomobilin öncə drift etməsinə, daha sonra yoldan çıxmasına səbəb olub. Yol kənarında olan dirəkləri də kökündən qopardan avtomobil göyə qalxaraq yenidən yerə çırpılıb. Nəticədə alt hissəsi tamamilə yararsız vəziyyətə düşən maşın idarəsini saxlayıb. Sürücü ağır xəsarətlərlə dərhal xəstəxanaya yerləşdirilib. 
Faktla araşdırma zamanı avtomobilin ona məxsus olmadığı müəyyənləşib. Sürücü təcrübəsizliyi və buna baxmayaraq adrenalin yaşamaq həvəsi ilə yüksək sürətə yol verməsi qəzanın yaranma səbəbi kimi qeydə alınıb. 

Nərmin Əkbər