Əks zolağa çıxan “07” “Niva” ilə toqquşdu; 3 nəfər öldü - FOTO

Rusiyanın Voronej əyalətində iki minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə mayın 22-də “Kursk”–“Saratov” avtomagistralının 330-cu kilometrliyində qeydə alınıb. Bu barədə Rusiya DİN-nin regional qrupunun Mətbuat Xidmətindən məlumat verilib.

Məlumata görə, 79 yaşlı sürücü idarə etdiyi “VAZ-2107” markalı avtomobillə hərəkətdə olarkən, sükan idarəetməsini itirərək yolun əks istiqamətinə çıxaraq, qarşıdan gələn “VAZ-2121” markalı “Niva” ilə toqquşub.

Qəza nəticəsində “VAZ-2107”dəki sürücü və onun 81 yaşlı həyat yoldaşı, “VAZ-2121”in sürücüsü aldıqları xəsarətlərdən hadisə yerində vəfat ediblər.

Faktla bağlı araşdırmalara başlanılıb.

Namiq Musayev