Əks zolağa keçən “Toyota” “Chevrolet”lə toqquşdu; 3 ölü, 1 yaralı - FOTO

Rusiyanın Voronej əyalətində iki minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə iyulun 18-də “Voronej – Luqansk” avtomagistralının 116-cı kilometrliyində qeydə alınıb. Bu barədə “TASS” agentliyi məlumat yayıb.

Məlumata görə, 38 yaşlı sürücü idarə etdiyi “Toyota” markalı avtomobillə, hərəkətdə olarkən qəfildən sükan idarəetməsini itirərək əks zolağa keçib və qarşıdan gələn 52 yaşlı sürücünün idarə etdiyi “Chevrolet” markalı minik maşını ilə toqquşub.

Zərbənin şiddətindən hər iki nəqliyyat vasitəsi deformasiyaya uğrayıb.

Qəza nəticəsində 3 nəfər ölüb, 1 nəfər isə xəsarət alıb. Yaralı təcili tibbi yardım briqadasının köməkliyi ilə xəstəxanaya çatdırılıb.

Faktla bağlı araşdırmalara başlanılıb.

Namiq Musayev