Filippində təyyarə qəzaya uğradı: azı 8 nəfər ölüb - FOTO + VİDEO

Filippində “Lion Air” aviaşirkətinə məxsus təyyarə qəzaya uğrayıb. Avtosfer.az xəbər verir ki, insident Manila beynəlxalq hava limanında qeydə alınıb. Bu barədə martın 29-da “Manila Bulletin” nəşri məlumat yayıb.

Məlumata görə, qəza təyyarənin uçuş-eniş zolağından havaya qalxdıqdan sonra baş verib. Hadisə yerinə təcili tibbi yardım və yanğınsöndürmə briqadasının əməkdaşları cəlb edilib.

Digər təfərrüatlar barədə məlumat verilmir.

“Sinxua” agentliyi isə öz növbəsində məlumat yayıb ki, qəza zamanı azı 8 nəfər dünyasını dəyişib. Hava gəmisi Yaponiyanın Tokiyo şəhərinə uçurmuş. Göyərtədə 2 sərnişin və 6 ekipaj üzvü olub. Təyyarə qəzaya uğradıqdan sonra partlayıb və yanmağa başlayıb.

Agentlik həmçinin qeyd edib ki, göyərtədə koronavirus pandemiyası ilə mübariz aparmaq üçün tibbi ləvazimatlar olub.

Namiq Musayev