Fransada hərbi vertolyot qəzaya uğradı: 2 ölü, 4 yaralı

Fransanın cənub-qərbində hərbi vertolyotun qəzaya uğraması nəticəsində 2 nəfər ölüb, daha 4-ü isə xəsarət alıb. Avtosfer.az xəbər verir ki, insident Yuxarı Pirenei departamentinin Buy-Devant kommunası ərazisində qeydə alınıb. Bu barədə “Sud Ouest” nəşri məlumat yayıb.

Nəşrin məlumata görə, ölkənin müdafiə nazirliyi hadisəni təsdiqləyib, ancaq detallar barədə açıqlama verməyib.

Xəstəxanadan yaralananlardan ikisinin vəziyyətinin ağır olduğu bildirilib.

Qəzanın baş vermə səbəbləri araşdırılır.

Namiq Musayev