Gecə iki avtomobil yanıb

Bakı şəhərinin Nizami rayonunda yanğınolub.

Avtosfer.az Fövqəladə Hallar Nazirliyinə istinadən xəbər verir ki, ümumi sahəsi 150 m² olan avtomobil təmiri sexinin içərisində 20 m² sahəyə yığılan avtomobil ehtiyat hissələri yanıb, yüksək temperaturdan orada təmirə dayanan "Honda" markalı minik avtomobilinin ön hissəsi əriyib. Sexin və avtomobilin qalan hissəsi yanğından mühafizə olunub.

Oxşar hadisə Gəncə şəhərinin Kəpəz rayonunda da baş verib. "Ford" markalı yük avtomobilinin mühərrik hissəsi yanıb, yüksək temperaturdan ön şüşəsi və idarəetmə lövhəsi qismən əriyib. Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.