Gəncədə 17 yaşlı gənci avtomobil vurub, vəziyyəti ağırdır

Gəncədə piyadanın vurulması ilə nəticələnən yol qəzası baş verib.

Hadisə Əziz Əliyev prospektində qeydə alınıb.

Hərəkətdə olan “Toyota Camry” markalı avtomobil yolu qarşı tərəfə keçmək istəyən 2006-cı il təvəllüdlü E.Namazovu vurub.

Piyada xəstəxanaya yerləşdirilib, vəziyyəti ağır qiymətləndirilir.

Faktla bağlı araşdırma aparılır. (apa)