Gəncədə avtomobil işiq dirəyinə çırpılıb, sürücü xəsarət alıb

Gəncədə yol nəqliyyat hadisəsi baş verib.

Avtosfer.az-ın APA-ya istinadən məlumatına görə, hadisə şəhərin Nizami Gəncəvi prospektində qeydə alınıb. Belə ki, hərəkətdə olan “VAZ 2106” markalı avtomobil idarəetməni itirərək, yol kənarındakı işıq dirəyinə çırpılıb. Qəza zamanı sürücü  xəsarət alaraq xəstəxanaya yerləşdirilib, vəziyyətinin kafi olduğu bildrilir.

Faktla bağlı araşdırma aparılır.