Gəncədə avtomobil maneəyə çırpıldı, xəsarət alan var

Gəncə şəhərində xəsarətlə nəticələnən yol qəzası baş verib.

Avtosfer.az "Report"un Qərb Mərkəzinin istinadən məlumatına görə, hadisə şəhər ərazisində yerləşən şadlıq saraylarının birinin yaxınlığında qeydə alınıb.

İdarəetmədən çıxan minik avtomobili maneəyə çırpılıb. Qəza nəticəsində gənc oğlan (şəxsiyyəti dəqiqləşdirilir - red) ağır xəsarət alıb. O, əvvəlcə Gəncə şəhər Təcili Tibbi Yardım Xəstəxanasına, sonra özəl xəstəxanaların birinə aparılıb.

Qəzanın başvermə səbəbi araşdırılır.