Gəncədə minik maşını ağaca çırpılıb - FOTO

Gəncədə yol nəqliyyat hadisəsi baş verib.

Avtosfer.az-ın APA-ya istinadən məlumatına görə, hadisə şəhərin 28 May küçəsində qeydə alınıb.

Belə ki, hərəkətdə olan “Mercedes” markalı minik maşını idarə etməni itirib. Nəticədə avtomobil yol kənarındakı ağaca çırpılıb. Qəza zamanı 2 nəfər xəsarət alaraq xəstəxanaya yerləşdirilib. Hadisə yerinə DYP əməkdaşları cəlb olunub.

Faktla bağlı araşdırma aparılır