Gəncədə minik maşını aşıb - FOTO

Gəncədə yol nəqliyyat hadisəsi baş verib.

APA-nın yerli bürosunun məlumatına görə, hadisə şəhərin qərb çıxışında qeydə alınıb. Hərəkətdə olan "Mercedes" markalı minik avtomobili idarəetmənin itməsi nəticəsində yoldan çıxaraq aşıb. Qəzadan sonra minik maşını yolun kənarındakı lövhəyə çırpılıb. Qəza zamanı avtomobildə 2 nəfər olub.

Hadisə nəticəsində xəsarət alan olmasa da, avtomobil yarasız hala düşüb.

Faktla bağlı araşdırma aparılır.