Gəncədə “Opel” maşına, ardınca dəmir məhəccərə çırpıldı - VİDEO

Gəncədə yol-nəqliyyat hadisəsi baş verib.

Avtosfer.az-ın məlumatına görə, qəza fevralın 3-də axşam saatlarında Heydər Əliyev prospektində qeydə alınıb. Belə ki, hərəkətdə olan “Opel” markalı maşın, 57-CC-192 dövlət nömrə nişanlı “Mitsubishi Pajero” markalı avtomobillə toqquşub. İddialara əsasən, qəzaya səbəb yüksək sürət həddi olub. Nəticədə idarəetmədən çıxan “Opel” öncə maşına, ardınca dəmir məhəccərə çırpılıb. Hadisə zamanı xəsarət alan olmasa da, hər iki maşına maddi ziyan dəyib.

Qeyd edək ki, qəza yerinə DYP əməkdaşları cəlb olunub. Faktla bağlı araşdırma aparılır. 

Nərmin