Gəncədə piyadanı vuran sürücü hadisə yerindən qaçdı

Gəncədə piyadanı minik maşını vurub.

Hadisə şəhərin Şah İsmayl Xətai prospektində qeydə alınıb.

Hərəkətdə olan “Mercedes” markalı minik maşını yolu qarşı tərəfə keçmək istəyən 1982-ci il təvəllüdlü, Sənhan Hüseynovu vurub.

Piyada xəstəxanaya yerləşdirilib, vəziyyətinin orta-ağır olduğu bildirilir.

Məlumata görə, piyadanı vuran avtomobil qəzadan sonra hadisə yerindən yayınıb.

Hazırda avtomobilin tapılması istiqamətində axtarışlara başlanılıb.

Faktla bağlı araşdırma aparıılır. (apa)