Gəncədə Vətən Müharibəsi iştirakçısını avtomobillə öldürən şəxs polis olub - YENİLƏNİB

Gəncədə avtomobillə piyadanı vurub öldürən şəxs polis əməkdaşı olub.

APA-nın yerli bürosunun məlumatına görə 2002-ci il təvəllüdlü, Vətən Müharibəsi iştirakçısı, Şəhriyar Məmmədovu Nəqliyyatda Baş Polis İdarəsinin Gəncə şəhər Dəmir yolu Xətt Polis Şöbəsinin əməkdaşı, Samux rayon sakini Xəyal Yolçuyev idarə etdiyi "VAZ -2107" ilə vurub.

***

Gəncədə Vətən müharibəsi iştirakçısı həlak olub.

DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov bildirib ki, Gəncədə ölümlə nəticələnən yol-nəqliyyat hadisəsi baş verib.

“Samux rayon sakini Xəyal Yolçuyev idarə etdiyi VAZ-2107 markalı avtomobil ilə yolu keçmək istəyən piyada, 2002-ci il təvəllüdlü, Vətən müharibəsi iştirakçısı Şəhriyar Məmmədovu vurub və nəticədə piyada aldığı xəsarətdən hadisə yerində ölüb.

Faktla bağlı araşdırmalar davam etdirilir”, - deyə o əlavə edib.