Gəncədə zəncirvari qəza: xəsarət alan var

Gəncədə 3 avtomobilin iştirakı ilə zəncirvari yol qəzası baş verib.

Hadisə şəhərin Ələkbər bəy Rəfibəyli küçəsi ilə Heydər Əliyev prospektinin kəsişməsində qeydə alınıb.

Hərəkətdə olan “VAZ-2107”, “QAZ-24”, və “Opel” markalı avtomobilər toquşub. Qəza zamanı 1 nəfər xəsarət alaraq xəstəxanaya yerləşdirilib.

Hadisə yerinə DYP əməkdaşları cəlb olunub. Faktla bağlı araşdırma aparılır. (apa)