Göyçayda avtomobil yoldan çıxaraq aşıb, yaralılar var

Göyçay rayonunda ağır yol-nəqliyyat hadisəsi olub.

Avtosfer.az xəbər verir ki, hadisə Bakı-Şamaxı-Yevlax yolunun Göyçayın Qarayazı kəndi ərazisindən keçən hissəsində qeydə alınıb.

“BMW” markalı minik avtomobilinin yoldan çıxaraq aşması nəticəsində rayonun Qarayazı kənd sakinləri 1998-ci il təvəllüdlü Mahmudlu Nigar Sadiq qızı, 1964-cü il təvəllüdlü Salmanov Niman Eldar oğlu və 1985-ci il təvəllüdlü Ağayev Elvin Səxavət oğlu xəsarət alıb.

Yaralılar təcili tibbi yardımın köməkliyi ilə Göyçay rayon Mərkəzi Xəstəxanasına aparılıb.

Faktla bağlı Baş Dövlət Yol Polisi İdarəsi tərəfindən araşdırma aparılır.

Report