Göyçayda “KİA” velosipedçini vuraraq öldürüb - FOTO

Göyçay rayonunda ölümlə nəticələnən yol-nəqliyyat hadisəsi baş verib. Hadisə bu gün Göyçay-Bərgüşad-Ucar avtomobil yolunun Şıxbəy kəndi ərazisində qeydə alınıb. Ucar rayonu, Pirkənd kənd sakini, 1982-ci il təvəllüdlü Kərimov Qarakişi Ağakişi oğlu idarə etdiyi “KİA Sportage” markalı minik avtomobili ilə onunla eyni istiqamətdə hərəkət edən velosipedçi, Göyçay rayonu Şıxbəy kənd sakini 1980-ci il təvəllüdlü Cabbarov Tural Əlihüseyn oğlunu arxa tərəfdən vurub. Tural Abbasov aldığı ağır bədən xəsarətləri səbəbindən hadisə yerində ölüb.

Faktla bağlı Göyçay rayon Polis Şöbəsi tərəfindən araşdırma aparılır. (APA)