Göyçayda minik avtomobili yanıb

Göyçay rayonunda hərəkətdə olan minik avtomobili qəflətən yanıb. 

Avtosfer.az APA-nın yerli bürosuna istinadən xəbərinə görə, hadisə bu gün axşam şəhərin Natavan küçəsində qeydə alınıb. 

Çayarxı kənd sakini, 1974-cü il təvəllüdlü Rəsulov Murad Qismət oğluna məxsus 90-BS-564 dövlət nömrə nişanlı "VAZ 2104" markalı minik avtomobili yolda hərəkətdə olarkən mühərrik hissəsində qısaqapanma səbəbindən yanğın baş verib. Alov qısa vaxtda avtomobilin hər tərəfini əhatə edib. Hadisə zamanı xəsarət alan olmasa da avtomobil yararsız hala düşüb. 

Faktla bağlı araşdırma aparılır.

Gültən