Göyçayda qəza: “VAZ” maneəyə çırpıldı, 1 nəfər yaralandı - VİDEO

Göyçay rayonu ərazisində yol-nəqliyyat hadisəsi baş verib.

Avtosfer.az-ın məlumatına görə, qəza dekabrın 4-də gecə saatlarında Çayarxı kəndində qeydə alınıb. Belə ki, hərəkətdə olan 23-BN-906 dövlət nömrə nişanlı “VAZ-2106” markalı maşın qəzaya uğrayıb. Hadisə şahidlərinin iddiasına əsasən, qəzaya səbəb yüksək sürət həddi olub. Nəticədə idarəetmədən çıxan maşın yol kənarındakı maneəyə çırpılıb. Hadisə zamanı nəqliyyat vasitəsi yararsız vəziyyətə düşüb, avtomobildəki sərnişin xəsarət alıb. 

Qeyd edək ki, faktla bağlı araşdırma davam edir.

Nərmin