Göygöldə qəza, yaralılar var - FOTO

Bakı-Qazax magistralında qəza baş verib, 2 nəfər yaralanıb. Avtosfer.az xəbər verir ki, hadisə saat 5 radələrində Bakı-Qazax magistralının  365-ci kilometrliyində baş verib. TIR  markalı yük avtomobilinin sürücüsü, Bakı şəhər sakini, 39 yaşlı Anar Məmmədov hərəkətdə olarkən Şəmkir rayon sakini, 35 yaşlı Nadir Mustafayevin idarə etdiyi "KamAZ" markalı yük avtomobilini arxadan vurub. Qəza zamanı TIR-ın sürücüsü və sərnişin, Bakı şəhər sakini, 35 yaşlı Emin Məmmədov müxtəlif bədən xəsarətləri alıblar. Yaralılar dərhal Gəncə Şəhər Təcili Tibbi Yardım Xəstəxanasına gətiriliblər. Xəstəxanadan kəpəztv-yə verilən məlumata görə, hər iki yaralıya ilkin tibbi yardım göstərilib. TIR-da olan sərnişinin vəziyyəti ağır olduğundan reanimasiya şöbəsinə yerləşdirilib. Həkimlər sürücünün vəziyyətinin  isə orta ağır olduğunu bildirirlər. 

Faktla bağlı araşdırma aparılır.