Göygöldə qəzada 4 nəfər xəsarət aldı

Göygöl rayonunda avtomobil maneəyə çırpılıb, xəsarət alanlar var.

Avtosfer.az oxu.az-a istinadən xəbər verir ki, rayon ərazisində "Toyota" markalı avtomobil idarəetmədən çıxaraq yol kənarındakı maneə çırpılıb.

Qəza nəticəsində dörd nəfər xəsarət alıb.

Zərərçəkənlər - 2005-ci il təvəllüdlü O. Abbaszadə, 2004-cü il təvəllüdlü X. İsmayılov, 2005-ci il təvəllüdlü T. Məhərrəmov və 2005-ci il təvəllüdlü Ü. Bayramlı xəstəxanaya çatdırılıblar.

Faktla bağlı araşdırma aparılır.