Göygöldə yol qəzasında xəsarət alan kişi xəstəxanada öldü

Göygöl rayonunda iki ay əvvəl yol qəzasında xəsarət alan kişi xəstəxanada vəfat edib. 

Avtosfer.az xəbər verir ki, hadisə ötən il noyabrın 7-də Göygöl rayonunun Zurnabad kəndində qeydə alınıb. Rayon sakini  Eldəniz Quliyev idarə etdiyi “VAZ-21011” markalı avtomobili aşırıb. Nəticədə sərnişinləri, həmyerliləri Rövşən İsayev və Səadət Vəliyeva xəstəxanaya yerləşdirilib. Rövşə İsayev iki ay xəstəxanada müalicə alsa da, onun həyatını xilas etmək mümkün olmayıb. O, iki gün əvvəl xəstəxanada ölüb. 

Faktla bağlı Göygöl Rayon Polis Şöbəsi tərəfindən  araşdırma aparılır.