Hacıqabulda maşın aşıb, 5 nəfər xəsarət alıb

Hacıqabulda yol qəzasında 5 nəfər xəsarət alıb.

Avtosfer.az-ın məlumatına görə, hadisə Bakı-Qazax magistralında, Hacıqabul rayonunun Atbulaq kəndi ərazisində qeydə alınıb. "Mercedes" markalı avtomobil yoldan çıxaraq aşıb. Nəticədə avtomobildə olan 5 nəfər müxtəlif dərəcəli xəsarətlər alaraq Şirvan şəhər mərkəzi xəstəxanasına yerləşdirilib.

Hacıqabulda xəsarət alan sərnişinlərin adları məlum olub. Onlar İmişli şəhər sakinləri, 1950-ci il təvəllüdlü Cavadova Lütfiyyə Firudin qızı, 1976-cı il təvəllüdlü Qurbanova Mərziyyə Elyas qızı, 2019-cu il təvəllüdlü Ələsgərli Famil Şamil oğlu, 1964-cü il təvəllüdlü Əsgərova Ruqiyə Zahid qızı və 1972-ci il təvəllüdlü Tubuşov Şahlar Zahid oğlu müxtəlif dərəcəli xəsarətlərlə Şirvan şəhər mərkəzi xəstəxanasına yerləşdirilib.

Faktla bağlı BDYP tərəfindən araşdırma aparılır.

apa