Hindistanda avtobus gölə düşdü: 13 ölü, 16 yaralı

Hindistanın şərq bölgəsində ağır yol qəzası baş verib. APA-nın The Associated Press (AP) agentliyinə istinadən verdiyi xəbərə görə, Tripur şəhəri yaxınlığında avtobusun gölə düşməsi nəticəsində  13 nəfər ölüb, 16 nəfər xəsarət alıb. Məlumata əsasən, sərnişin avtobusunun təkəri partlayıb və avtobusun sürücüsü idarəetməni itirdiyi üçün nəqliyyat vasitəsi gölə düşüb. Yerli polis bildirib ki, 6 nəfər hadisə yerində, 7 nəfər isə xəstəxanada ölüb.