İdarəetmədən çıxan “Toyota” arakəsmələrə çırpılıb aşdı: 2 nəfər yanaraq öldü - FOTO

Rusiyanın Saratov əyalətində minik avtomobilinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident ötən gün gecə saatlarında “Qaqarin” aeroportu yolunun 1-ci kilometrliyində qeydə alınıb.

Məlumata görə, 30 yaşlı sürücünün idarə etdiyi “Toyota Camry” markalı avtomobil, hərəkətdə olarkən naməlum səbəblərdən idarəetmədən çıxaraq dəmir arakəsmələrə çırpılıb və daha sonra aşaraq yanıb.

Nəticədə “Toyota”da olan iki nəfər aldığı xəsarətlərdən hadisə yerində vəfat ediblər.

Faktla bağlı araşdırmalara başlanılıb.

Namiq Musayev