İki avtomobil toqquşdu, sürücü salonda sıxılıb qaldı - VİDEO

Lənkəranda iki minik avtomobilinin toqquşması zamanı bir nəfər ağır xəsarət alıb. Qəza şəhərin Şəhidlər Xiyabanı küçəsində baş verib. Şəhriyar İmanlı idarə etdiyi “Toyota" markalı avtomobillə hərəkətdə olan zaman Liman şəhər sakini Zahid Kazımovun idarə etdiyi “VAZ 2103” markalı avtomobillə toqquşub. Zərbənin gücündən Zahid Kazımov avtomobildə sıxılmış vəziyyətdə qalıb.

Hadisə yerinə FHN-nin Cənub Regional Mərkəzinin Xüsusi Xilasetmə Hissəsinin briqadası cəlb olunub. Sürücü deformasiyaya uğramış avtomobildən çıxarılıb. Yaralı Lənkəran Rayon Mərkəzi Xəstəxanasının reanimasiya şöbəsinə yerləşdirilib. Ona sol bud və sağ baldır sümüyünün sınığı diaqnozu qoyulub. Vəziyyəti orta-ağır qiymətləndirilir. 

Faktla bağlı araşdırma aparılır.