İki avtomobil toqquşdu, sürücü sükan arxasından güclə çıxarıldı - FOTO

Binəqədi rayonunda yol nəqliyyat hadisəsi baş verib, bir nəfər xəsarət alıb. Avtosfer.az APA-ya istinadən xəbər verir ki, hadisə Biləcəri qəsəbəsində yəni Bakı Beynəlxalq Avtovağzalının qarşısında baş verib.

“Mercedes” markalı minik avtomobilinin sürücüsü piyada zolağında keçən adamı gördüyündən qəfil əyləcdən istifadə edib. Bu zaman sürətlə hərəkətdə olan “Lada Priora” markalı avtomobil ona çırpılıb. 

Zərbənin gücündən “Lada”-nın sürücüsü sükan arxasında sıxışıb qalıb. Əraziyə Fövqəladə Hallar Nazirliyinin Xüsusi Riskli Xilasetmə xidmətinin əməkdaşları cəlb edilib. Yaralı sürücü avtomobildən çıxarılıb.

Gültən