İki “Qazel” toqquşdu: 7 nəfər xəsarət aldı - FOTO

Dağıstanda iki nəqliyyat vasitəsinin iştirakı ilə yol qəzası baş verib. Avtosfer.az xəbər verir ki, hadisə aprelin 6-da səhər saatlarında “Qafqaz” federal avtomagistralının Dərbənd rayonu ərazisindən keçən hissəsində qeydə alınıb. Bu barədə ölkənin Daxili İşlər Nazirliyinin Mətbuat Xidmətindən məlumat verilib.

Məlumata görə, “Qazel” markalı furqon ikinci dərəcəli yoldan əsas yola çıxaraq hərəkətdə olan eyni adlı sərnişin mikroavtobusu ilə toqquşub. Hər iki maşınının ön hissəsi əzilib.

Nəticədə furqonun 66 yaşlı sürücüsü və mikroavtobusun 6 sərnişini müxtəlif dərəcəli bədən xəsarətləri alıblar. Yaralılar, təcili tibbi yardım briqadasının köməkliyi ilə yaxınlıqdakı xəstəxanaya çatdırılıblar.

Faktla bağlı araşdırmalara başlanılıb.

Namiq Musayev