İmişlidə avtomobil piyadanı vurub

İmişli rayonunda yol-nəqliyyat hadisəsi baş verib. 

Avtosfer.az APA-nın Mil-Muğan bürosuna istinadən məlumatına görə, İmişlinin Mürsəlli kəndində piyadanın vurulması ilə nəticələnən yol-nəqliyyat hadisəsi qeydə alınıb. 

Yolu keçən kənd sakini, 1961-ci il təvəllüdlü Ziyafət İslam qızı Əliyevanı “QAZel” markalı yük avtomobili vurub. Yaralı İmişli Rayon Mərkəzi Xəstəxanasının travmatologiya şöbəsinə yerləşdirilib. 

Faktla bağlı İmişli Rayon Polis Şöbəsi tərəfindən araşdırma aparılır.

Gültən