İranda avtobus yük maşını ilə toqquşdu: 12 ölü, 7 yaralı - FOTO

İranda avtobusun və yük maşınının iştirakı ilə ağır yol qəzası baş verib. Avtosfer.az xəbər verir ki, insident aprelin 28-də səhər saatlarında Mahirud-Sarbişeh avtomagistralında qeydə alınıb. Bu barədə “Tasnim” agentliyi məlumat yayıb.

Agentliyin məlumatına görə, toqquşma nəticəsində azı 12 nəfər dünyasını dəyişib, daha 7-si isə xəsarət alıb. Yaralılar, təcili tibbi yardım vertolyotu ilə xəstəxanalara çatdırılıblar.

Bildirilir ki, avtobus Launi kəndindən Cənubi Xorasan əyalətinin Serbişeh şəhərinə hərəkət edirmiş.

Polis qəzanın baş vermə səbəblərini araşdırır.

Namiq Musayev