“SpaceX” və “Tesla” şirkətlərində pay sahibi olan Amerika sahibkarı İlon Mask ABŞ-ın Texas ştatında pilotsuz “Tesla” avtomobilinin iştirakı ilə qəzanın təfərrüatlarından danışıb.

Avtosfer.az xəbər verir ki, bu barədə “RİA Novosti” məlumat yayıb.

“İndiyə qədər alınmış məlumat qeydləri göstərir ki, avtopilot qoşulmayıb və bu avtomobil üçün tam avtonom sürmə funksiyası alınmayıb", - İlon Mask deyib.

O, qeyd edib ki, elektromobil avtopilotun fəaliyyəti üçün tələb olunan xüsusi nişanın olmadığı küçədə hərəkət edib.

Xatırladaq, hadisə aprelun 17-də olub. “Tesla” elektrmobili Texas ştatında yüksək sürətlə hərkət edərkən ağaca çırpılıb. Avtomobil bundan sonra yanmağa başlayıb. Qəza xidmətlərinin əməkdaşları yol-nəqliyyat hadisəsindən sonra baş verən yanğını söndürmək üçün 4-dən çox saat vaxt sərf edib.

Hadisə zamanı iki nəfər həlak olub.